Li dous maus me renouvele!
Avuec le printans
do jou bien estre cantans
pour si jolie nouvele!
Car onkes nus pour plus bele
ne plus sage ne millour
ne senti mal ne doulour!
Li dous maus me renouvele!
Li dous maus me renouvele!
Or est ensi
ke j'atenderai merchi!
Or est ensi
ke j'atenderai merchi!
Or est ensi
ke j'atenderai merchi!
Or est ensi
ke j'atenderai merchi!
Au dessus de me kerele
ai esté deus ans,
sans estre en dangier manans
de dam ou de damissele!
Mais vair uel, blanke maissele
rians et vremeille entour
m'ont cangier cuer et coulour!
Li dous maus me renouvele!
Li dous maus me renouvele!
Or est ensi
ke j'atenderai merchi!
Or est ensi
ke j'atenderai merchi!
Or est ensi
ke j'atenderai merchi!
Or est ensi
ke j'atenderai merchi!
Tant grate kievre en gravele,
k'ele est mau gissans!
Si est il d'aucuns amans!
Tant giue om bien et revele,
ke d'une seule estinchele
esprent en arjant amour!
Je suis espris par che tour!
Li dous maus me renouvele!
Li dous maus me renouvele!
Or est ensi
ke j'atenderai merchi!
Or est ensi
ke j'atenderai merchi!
Or est ensi
ke j'atenderai merchi!
Or est ensi
ke j'atenderai merchi!
Dous vis, maintiens de puchele,
gens cors avenans,
vers cui cuers durs c'aimans
de goie uevre et escartele,
mar fui a le fontenele
ou jes vous vi l'autre jour;
car sans cuer fui ou retour!
Or est ensi
ke j'atenderai merchi...
Tenha acesso a benefícios exclusivos no App e no Site
Chega de anúncios
Badges exclusivas
Mais recursos no app do Afinador
Atendimento Prioritário
Aumente seu limite de lista
Ajude a produzir mais conteúdo